ပင်းတယ မတ်လ ၂ ရက်
ရှမ်းပြည်နယ်တောင်ပိုင်း၊ဓနုကိုယ်ပိုင်အုပ်ချုပ်ခွင့်ရဒေသ ၊ ပင်းတယမြို့နယ်တွင် မတ်လ ၁ ရက်နေ့နံနက်ပိုင်း က ရွှေဥမင်သဘာဝလိုဏ်ဂူဘုရား ဗုဒ္ဓပူဇနိယတပေါင်းပွဲတော်နှင့်(၁၇) နှစ်မြောက် ဓနုဆုံဆည်းရာနေ့ အခမ်းအနား/ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ MSMEsဒေသထွက်ကုန်ပြပွဲ ဖွင့်ပွဲအခမ်း အနားကို ကျင်းပပြုလုပ်ခဲ့ကြောင်း သိရသည်။
ရှေးဦးစွာ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌဦးအာကာလင်း နှင့် တာဝန်ရှိသူများက အသေးစား၊အငယ်စား နှင့် အလတ်စား စီးပွားရေးလုပ်ငန်းများ MSMEs ဒေသထွက် ကုန်ပြပွဲဆိုင်းဘုတ် အားဖဲကြိုးဖြတ်ဖွင့်လှစ်ပေးပြီး ၊ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌနှင့်တာဝန် ရှိသူများမှ ဒေသထွက်ကုန် ပစ္စည်းပြခန်းများအား လှည့်လည်ကြည့်ရှုအားပေးခဲ့ကြောင်းသိရသည်။
ထိုနောက် ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌသည် တပေါင်းပွဲကျင်း ဓနုဆုံဆည်းရာ စတိတ်စင်တွင် ကျင်းပပြုလုပ်သည့် (၁၇) နှစ်မြောက် ဓနုဆုံးဆည်းရာနေ့အခမ်းအနားတွင် ဂုဏ်ပြုအမှာ စကားပြောကြားပေးသည်။ ဆက်လက်၍ ဓနုဆုံဆည်းရာနေ့အခမ်းအနား နှင့် အကအလှဖျော်ဖြေပွဲ ကျင်းပရေး ဆပ်ကော်မတီဥက္ကဌ မှ ကျေးဇူးတင်စကား ပြန်လည်ပြောကြားပေးခဲ့ကြောင်းသိရပြီး ၊အဆိုပါ အခမ်းအနားတွင် ဓနုတိုင်းရင်းသား ၊ တိုင်းရင်းသူအဆိုတော်များ နှင့် ဓနုတိုင်းရင်းသား ရိုးရယဉ်ကျေးမှု အကအလှများဖြင့် ဖျော်ဖြေပေးခဲ့ကြောင်း သိရသည်။
ယင်းနောက် ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဌ နှင့် တာဝန်ရှိသူများသည့် ဖိတ်ကြားထားသည့် ရပ်ဝေး/ရပ်နှီးမှ တိုင်းရင်းသား/တိုင်းရင်းသူ ညီအကိုမောင်နှများနှင့်အတူ ဆွမ်းတော်ကြီး လောင်းလှူပွဲတွင် ကုသိုလ်ဒါနပြုခဲ့ကြပြီး တပေါင်းကျင်းရှိ မဟာမုနိဓမ္မာရုံတွင်ဆွမ်းတော်ကြီးအား ဆက်ကပ်လှူဒါန်း ခဲ့ကြကြောင်း သိရသည်။
မွန်းလွဲပိုင်းတွင် ဆွမ်းဆန်စိမ်းလောင်းလှူပွဲအား ဆက်လက်ကျင်းပပြုလုပ်ခဲ့ရာတွင် ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဌ နှင့် တာဝန်ရှိသူများက ဗုဒ္ဓရုပ်ပွားတော် များအားပင့်ဆောင်၍သံဃာတော်များနှင့်အတူ ဆွမ်းဆန်စိမ်းအလှူခံခဲ့ကြရာ ရပ်ဝေး/ရပ်နှီးမှ မိဘပြည်သူများ၊ ဗုဒ္ဓဘာသာဝင်များ ၊ အလှူရှင်များမှ သဒ္ဒါကြည်ဖြူစွာဖြင့် အလှူငွေများ၊ ဆွမ်းဆန်တော်များ နှင့်လှူဖွယ်ဝတ္ထု ပစ္စည်းများကို လောင်းလှူခဲ့ကြကြောင်း သိရသည်။
ည ၇ နာရီအချိန်တွင် ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌ နှင့် တာဝန်ရှိသူများသည်(၁၇) နှစ်မြောက် ကျင်းပပြုလုပ်သည့် ဓနုဆုံဆည်းရာ အခမ်းအနားသို့ သွားရောက်ကာ ဒေသဥက္ကဌမှဦးဆောင်၍ ဒေသဥက္ကဌက ” အဖြူရောင်သံစဉ် ” တေးသီးချင်းအား စတင်သီဆိုပေးပြီး၊ ဓနုဆုံဆည်းရာ အထိမ်းအမှတ် အဖြစ် ဓနုတိုင်းရင်းသူ ၊ တိုင်းရင်းသား အဆိုတော်များ ၊ ရပ်ဝေး/ ရပ်နှီးမှတိုင်းရင်းသား / တိုင်းရင်းသူများ မှ တိုင်းရင်းသား ရိုးရာယဉ်ကျေးမှု အက အလှများ၊ ရိုးရာ ဓလေ့တေးသီချင်းများ ၊ရိုးရာသံချပ် ၊အိုးစည်ဗုံမောင်းများ ဖြင့် ဖျော်ဖြေတင်ဆက် ပေးခဲ့ကြရာ ပရိတ်သတ် များ တခဲနက်လာရောက် ကြည့်ရှူ အားပေးခဲ့ကြကြောင်း သိရသည်။
ရှမ်းပြည်နယ်အစိုးရအဖွဲ့