ပင်းတယ ဩဂုတ် ၂၉
ရှမ်းပြည်နယ်တောင်ပိုင်း၊ဓနုကိုယ်ပိုင်အုပ်ချုပ်ခွင့်ရဒေသ၊ပင်းတယမြို့၊ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ဓနုကိုယ်ပိုင်အုပ်ချုပ်ခွင့်ရဒေသအဆင့်ရုံး(ပင်းတယ) Community Centre ခန်းမတွင် ယနေ့နံနက် ၉ နာရီခွဲအချိန်က ဒေသအသေးစားစက်မှုလက်မှုလုပ်ငန်းဦးစီးဌာနမှ ဖွင့်လှစ်သည့် ဒီဂျစ်တယ်အသိပညာ၊ခံယူချက်နှင့်အလေ့အကျင့်ဆိုင်ရာသင်တန်း ဖွင့်ပွဲအခမ်းအနားကိုကျင်းပပြုလုပ်ခဲ့ရာ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဌဦးအာကာလင်းနှင့်တာဝန်ရှိသူများ တက်ရောက်ခဲ့ကြကြောင်း သိရသည်။
ဦးစွာ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဌဦးအာကာလင်းက အဖွင့်အမှာစကားပြောကြားရာတွင် အသေးစားစက်မှုလက်မှုဦးစီးဌာနအနေနဲ့ ဓနုကိုယ်ပိုင်အုပ်ချုပ်ခွင့်ရဒေသအတွက်၂၀၂၅-၂၀၂၆ ဘဏ္ဍာရေးနှစ်အတွင်းမှာ ” အသေးစားစက်မှုလက်မှုလုပ်ငန်းဦးစီးဌာနမှာ မှတ်ပုံတင်ရာတွင် လွယ်ကူမြန်ဆန်မှုရှိစေရန် ဒီဂျစ်
တယ်နည်းပညာကို အသုံးပြုပြီး မှတ်ပုံတင်လျှောက်လွှာလျှောက်ထားခြင်း၊သက်တမ်းတိုးခြင်း၊အမည်ပြောင်းလဲခြင်းနှင့်ကုန်ပစ္စည်းများဓာတ်ခွဲစစ်ဆေးခြင်း အစရှိသည်များကို လုပ်ကိုင်နိုင်စေရန် ရည်ရွယ်၍ ယခုဒီဂျစ်တယ်အသိပညာပေး၊ခံယူချက်နှင့်အလေ့အကျင့်ဆိုင်ရာသင်တန်းကို ဖွင့်လှစ်ပေးရခြင်းဖြစ်ပါကြောင်း၊Online System များကိုအသုံးပြုခြင်းဖြင့် မှတ်ပုံတင်လုပ်ငန်းများကို အချိန်ကုန်သက်သာစွာလုပ်ကိုင်နိုင်ပြီး အချက်အလက်များ ပိုမိုတိကျစွာ စီမံခန့်ခွဲနိုင်ခြင်း၊လုပ်ငန်းရှင်များအနေဖြင့်
Online ကိုအသုံးပြု၍ မှတ်ပုံတင်ခြင်း၊သက်တမ်းတိုးခြင်း အစရှိတဲ့လုပ်ငန်းစဉ်များကို အချိန်ကုန်သက်သာစွာ လုပ်ကိုင်နိုင်မှာဖြစ်ပါကြောင်းနှင့်အသေးစားစက်မှုလက်မှုလုပ်ငန်းဦးစီးဌာနက လေ့ကျင့်သင်ကြားပေးလိုက်တဲ့နည်းပညာများကို တက်ရောက်လာတဲ့ သင်တန်းသား/သင်တန်းသူများအနေနဲ့ စိတ်ပါဝင်စားစွာလေ့လာသင်ယူပြီး မိမိတို့အတွက်၊မိမိဒေသဖွံ့ဖြိုးတို့တက်ရေးအတွက် ပြန်လည်အသုံးချကြစေလိုကြောင်း စသည်ဖြင့်တိုက်တွန်း ပြောကြားပေးသည်။
ထိုနောက် ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဌမှ သင်တန်းသား/သင်တန်းသူများ၏ကိုယ်စား သင်တန်းသူတစ်ဦးအား သင်တန်းသုံးလမ်းညွှန်စာအုပ်ကို ပေးအပ်ခဲ့ကြောင်းသိရပြီးအဆိုပါသင်တန်းအား သင်တန်းသား/သင်တန်းသူ စုစုပေါင်း (၂၅) ဦးတက်ရောက်သင်ကြားမည်ဖြစ်ကြောင်း သိရသည်။
ယင်းနောက် သင်တန်းသို့တက်ရောက်လာသည့်နိုင်ငံ့စီးပွားမြှင့်တင်ရေးရန်ပုံငွေမှ ခွင့်ပြုငွေဖြင့်စီးပွားရေးလုပ်ငန်းများ လုပ်ကိုင်ဆောင်ရွက်နေသည့် လုပ်ငန်းရှင်များနှင့်တွေ့ဆုံ၍ လုပ်ငန်းရှင်များက မိမိတို့၏ ဆောင်ရွက်နေသည့် လုပ်ငန်းလိုအပ်ချက်များ တင်ပြကြရာ ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဌမှ တာဝန်ရှိသူများနှင့် ပြန်လည်ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။ ရှမ်းပြည်နယ်အစိုးရအဖွဲ့ရုံး