လားဟူတိုင်းရင်းသားများ၏ ရိုးရာဝတ်စုံများ အနက်ခံပိတ်ပေါ်တွင် အနီရောင်နှင့် အဖြူရောင်အဓိကချုပ်လုပ်ဝတ်ဆင်ကြသည်။ ယခုခေတ်တွင် အခြားအရောင်များနှင့်လည်း ချုပ်လုပ် ဝတ်ဆင်ကြသည်။ ကိုးကွယ်ယုံကြည်မှုအနေဖြင့် ခရစ်ယာန်ဘာသာကို အများဆုံးကို ကိုးကွယ်ပြီး မိရိုးဖလာနှင့်ဗုဒ္ဓဘာသာကို ကိုးကွယ်သူများလည်း ရှိပါသည်။ အဓိကစီးပွားရေးလုပ်ငန်းမှာ တောင်ယာ လုပ်ငန်းဖြစ်ပါသည်။ လားဟူတိုင်းရင်းသားများသည် မြန်မာနိုင်ငံအတွင်း ရှမ်းပြည်နယ်အရှေ့ပိုင်း၊ ရှမ်းပြည်နယ်(မြောက်ပိုင်း)တို့တွင် အများဆုံးနေထိုင်ကြပြီး ရှမ်းပြည်နယ်တောင်ပိုင်းတွင် အချို့ ပျံ့နှံ့ နေထိုင်ပါသည်။