ပင်းတယ ဩဂုတ် ၉
ရှမ်းပြည်နယ်တောင်ပိုင်း၊ဓနုကိုယ်ပိုင်အုပ်ချုပ်ခွင့်ရဒေသ၊ပင်းတယမြို့၊ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ဓနုကိုယ်ပိုင်အုပ်ချုပ်ခွင့်ရဒေသအဆင့်ရုံး(ပင်းတယ) CommunityCentre ၌ ဩဂုတ်လ(၉)ရက်နံနက် ၉ နာရီအချိန်က ဒေသအသေးစားစက်မှုလက်မှုလုပ်ငန်းဦးစီးဌာနမှ ဖွင့်လှစ်သည့် ” လူသုံးကုန်ထုတ်လုပ်မှုနည်းပညာ ” အမှတ်စဉ် (၁/၂၀၂၅-၂၀၂၆) သင်တန်းဆင်းပွဲအခမ်းအနားကို ကျင်းပပြုလုပ်ခဲ့ကြောင်း သိရသည်။
ဦးစွာ ဓနုကိုယ်ပိုင်အုပ်ချုပ်ခွင့်ရဒေသ၊ပင်းတယမြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌဦးထိန်လင်းအောင်က အဖွင့်အမှာစကားပြောကြားပေးသည်။ဆက်လက်၍ ပင်းတယမြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌနှင့်တာဝန်ရှိသူများမှ လုပ်ငန်းလုပ်ကိုင်ထူထောင်မည်သင်တန်းသား/သင်တန်းသူ (၃)ဦးအတွက် သင်တန်းထွက်ကုန်ပစ္စည်းများနှင့်လုပ်ငန်းသုံးကုန်ကြမ်းပစ္စည်းများကိုပေးအပ်သည်။ထိုနောက် ဒေသအသေးစားစက်မှုလုပ်ငန်းဦးစီးဌာန ဒေသဦးစီးမှူးဒေါ်အေးအေးသန့်
က သင်တန်းသား/သင်တန်းသူများအား သင်တန်းဆင်းလက်မှတ်များကိုပေးအပ်ခဲ့ကြောင်း သိရသည်။
အဆိုပါတင်တန်းအား ဩဂုတ်လ( ၅ )ရက်နေ့မှဩဂုတ်လ( ၉ )ရက်နေ့အထိဖွင့်လှစ်သင်ကြားပေးခဲ့ပြီး၊၎င်းသင်တန်းတွင် ယာယီနေရပ်စွန့်ခွာသူ သင်တန်းသား/သင်တန်းသူ စုစုပေါင်း (၂၂)ဦး တက်ရောက်သင်ကြားခဲ့ကြောင်း သိရသည်။
ရှမ်းပြည်နယ်အစိုးရအဖွဲ့ရုံး